هل هم عرب
الكاتب الصحفي إبراهيم فوزي
أفاد الكاتب الصحفي إبراهيم فوزي محمد غزال
هل هم دول الخليج عرب ويحملون كتاب الله لكي ينفقوا
5.1 تريليون دولار لأمريكا علشان تحمي بيهم دول الخليج ويشاء القدر ان الفلوس اللي اخدتها امريكا من ايد حكام الخليج
لسه معدش عليهم شهر ويجي بعدها ايران بعدد صواريخ يا دوب يتعدى علي صوابع الايد تضرب علي قطر
ومن وقتها قطر ركبها بتخبط في بعضها وكل اللي طالع عليها نحتفظ بحق الرد
وطبعا السعوديه والامارات عاملين يقولوا الدور علينا نعمل ايه
وبدل ما قطر تقول نحتفظ بحق الرد امريكا من نفسها ترد علشان واخده فلوس منهم تحميهم
لكن زى ماهو معروف ومنتشر ان المغطى بالامريكان عريان
ومن هنا بقول اذا كانت امريكا مهياش خايفه علي اى حد من سكان الشرق الاوسط لأنها عارفه انها لو ضربت المفاعلات النوويه في ايران هيحصل تسريب والتسرب دا يضر دول الجوار لايران ومع ذلك امريكا ضربت المفاعلات النوويه الايرانيه معني كدا ان امريكا ميهمهاش الا مصلحتها
النقطه الاخيرة والاهم اى حاجه تحصل لدول الخليج او الدول العربية في الشرق الاوسط يستاهلوها لان الرئيس السيسي قالهم مراراً وتكراراً تعالوا نعمل جيش عربي موحد
وطبعا الدول دى رفضت واستكترت علي مصر اى تمويل سواء مادى او معنوى
وراحوا بكل بساطه دفعوا 5 تريليون دولار لامريكا
المبلغ دا كان كفيل يعمل جيش عربي موحد اوله في فلسطين واخره في قارة استراليا
لكن هنقول ايه غير اللي متعودش علي النعيم وقت ينعم بالنعيم يبقي عامل زى اللي مشفش لحمه قبل كدا والشبعان طول عمره ابن عز لا يعرف الخوف ولا الذل ولا الخذلان
